Plan de parto

ATENCIÓN Ó PARTO E COIDADOS DO NEONATO

En virtude do dereito que me outorga a Lei Básica Reguladora da Autonomía do Paciente e Dereitos e Deberes en Materia de Información e Documentación Clínica, no presente documento deixo constancia por escrito das miñas preferencias durante o parto e o nacemento do meu fillo. Solicito que se inclúa na miña historia clínica.

                Todas as miñas decisións baséanse na evidencia científica recollida na Estratexia de Atención ó Parto Normal do Ministerio de Sanidade do ano 2007, Recomendacións da Organización Mundial da Saúde para a Atención ó Parto, Coidados desde o Nacemento do Ministerio de Sanidade do ano 2010, Carta Europea do Neno Hospitalizado, así como no Plan de Parto e Nacemento elaborado polo Sergas no ano 2013.

            Evidentemente, as miñas preferencias aquí expresadas están suxeitas a modificación en función do transcorrer do parto. En calquera caso, de ser medicamente necesaria algunha intervención, requirirase do meu consentimento informado, xa sexa verbal ou escrito, tal e como establece a Lei de Autonomía antes mencionada. Se non me atopase en disposición de decidir outorgo ó meu acompañante, informado das miñas preferencias, poder de decisión.

Quero:

1- Estar acompañada en todo momento pola persoa da miña elección

2- Que o persoal que me asista, o mínimo, se presente e identifique

3- Que a porta da estancia permaneza pechada

4- Libre acceso a bebida e comida. Se non dispoñen deste servizo podo levala eu mesma

5- Libre deambulación

6- Monitorización intermitente

7- Acceso a bañeira, pelota de Pilates, cadeira de partos ou calquera outro recurso que favoreza a progresión do parto e o alivio das molestias de que dispoñan no seu hospital ou que poida levar eu

8- Coller o meu fill@ en canto naza

9- Cortar eu o cordón umbilical unha vez este deixe de latexar (pinzamento tardío)

10- Que ninguén máis que eu ou a persoa por min autorizada toque o meu fill@

11- Expulsivo espontáneo da placenta

12- A miña placenta. No caso de que non se me entregue, levarei o material necesario para que o meu acompañante realice a súa impresión sobre papel en canto o persoal a revise

13- Alta voluntaria transcorrido o tempo en Reanimación

Rexeito:

1- Antibioterapia. Son SGB descoñecido

2- Manobra de Hamilton

3- Enema

4- Rasurado

5- Vía

6- Litotomía e/ou calquera restrición de movementos

7- Monitorización continua

8- Monitorización interna

9- Amniorrexis

10- Tactos

11- Oxitocina sintética

12- Epidural ou calquera outra medicación sedante ou analxésica

13- Manobra de Kristeller

14- Puxos dirixidos

15- Episiotomía

16- Sutura de esgazaduras de graos I e II (loxicamente, valorarei no momento atendendo á recomendación médica)

17- Expulsión dirixida da placenta. Se ben está indicada considero que a lactación materna establecida de forma inmediata tras o parto exerce o mesmo efecto contráctil sobre o útero que a oxitocina sintética. Asumo a responsibilidade da miña decisión e eximo ós facultativ@s, polo tanto, de calquera complicación dela derivada

En caso de necesitar unha cesárea

Quero:

1- Que o persoal sanitario se presente e que este sexa o mínimo posible

2- Anestesia raquídea ou, no seu defecto, epidural, se por algún motivo xa a tivese posta

3- Que todos os dispositivos de control se me poñan nun só brazo para facilitarme soster o meu fill@

4- Que se me explique o que vai acontecendo

5- Que se baixe o pano de campo para que poida ver o nacemento

6- Que o meu fill@ se me poña no colo de forma inmediata para iniciar o pel con pel, se a lonxitude do cordón umbilical o permite, xa que quero que se extraia a placenta antes de pinzalo. Se este fose demasiado curto, póñanmo ó peito unha vez extraída a placenta.

7- O cordón umbilical córtoo eu

8- Caso de non poder realizar pel con pel comigo farao co meu acompañante

9- Que ninguén máis que eu ou a persoa por min autorizada toque o meu fill@

10- A miña placenta. Ó igual que no parto vaxinal, se non se me pode entregar, portarei o material necesario para que o meu acompañante realice a súa impresión en papel unha vez revisada polo persoal

11- Prefiro sutura a grampas (é preferencia persoal, a decisión final déixoa en mans do xinecólog@)

Rexeito:

1- Anestesia xeral

2- Que se me aten os brazos

3- Calquera desinfectante iodado

4- Ligadura de trompas

Respecto ós coidados do neonato, caso de necesitar UCIN estarei con el, eu ou a persoa que autorice, as 24 horas. E, baseándome na guía de Coidados desde o Nacemento, tanto se se trata dun parto como dunha cesárea, quero:

1- Establecer pel con pel e lactación materna de inmediato

2- Que ninguén máis que eu ou a persoa por min autorizada o toque

3- Pinzamento tardío do cordón umbilical, nunca antes de que este deixe de latexar (en caso de cesárea ver os puntos 6 e 7 do apartado correspondente)

4- Vitamina K intramuscular cando estea mamando, non antes das 2 horas de nacido. Transcorrido ese tempo quero pesalo e medilo

5- Alta voluntaria ó saír de Reanimación (excepto en caso de cesárea)

6- Proba do talón (en caso de que permanecesemos ingresad@s)

Rexeito:

1- Calquera separación

2- Aspiracións

3- Sondaxes

4- Limpezas ou baños

5- Profilaxis ocular

6- Vacina da hepatite B

7- Desinfectantes iodados

8- Administración de leite artificial ou soros glucosados

9- Biberóns e chupetes

10- Ingreso por SGB descoñecido, seguindo, neste caso, o documento de consenso para a prevención da infección perinatal por estreptococo do grupo B (Recomendacións españolas revisadas no ano 2012), excepto que se dea algún factor de risco (parto pretérmino, rotura prolongada de membranas ou febre intraparto)

11- Cribado de xordeira

E para que así conste, a todos os efectos, firmo o presente documento: